Bitdefender Central данс дахь и-мэйл хаягаа хэрхэн солих вэ?

Та Bitdefender Central account-тайгаа холбоотой и-мэйл хаягийг хүссэн үедээ өөрчлөх боломжтой. Шинэ и-мэйл үйлчилгээ рүү шилжиж байгаа, шинэ и-мэйл хаягтай болсон, ажлын болон хувийн и-мэйлээ тусад нь ашиглах гэх мэт шалтгаанаар Bitdefender Central данснаасаа и-мэйл хаягаа солих шаардлага гарч болно. Түүнчлэн и-мэйл хаягаа шинэчилснээр Bitdefender-ээс ирэх чухал мэдээлэл, аюулгүй байдлын шинэчлэлтийг цаг тухайд нь хүлээн авах боломжтой болно.

И-мэйл хаягаа солихоосоо өмнө дараах зүйлсийг анхаарна уу:

• Ашиглагдаагүй и-мэйл байх ёстой: Шинэ и-мэйл хаяг өөр Bitdefender Central данстай холбоотой байж болохгүй, эс тэгвэл зөрчил үүснэ. Ийм тохиолдолд “An account with this email already exists!” гэсэн алдааны мессеж гарна.
• Бодит и-мэйл байх ёстой: Хуурамч и-мэйл хаяг руу солих боломжгүй. Шинэ и-мэйл хаяг руу илгээсэн холбоос дээр дарж баталгаажуулах шаардлагатай.
• Захиалга шилжинэ: Bitdefender Central дансны и-мэйл хаягийг солиход одоо байгаа бүх захиалга, үйлчилгээ шинэ данс руу шилжинэ. Солилт хийгдэж дуусмагц таны идэвхтэй бүх захиалга шинэ и-мэйл хаягтай холбогдоно.

1-р алхам: Bitdefender Central-д нэвтрэх

• Bitdefender Central-ийн вэбсайт руу орно уу: https://central.bitdefender.com/
• Одоогийн и-мэйл хаяг, нууц үгээ оруулж Bitdefender дансандаа нэвтэрнэ.

2-р алхам: Bitdefender Account хэсэг рүү орох

• Нэвтэрсний дараа хуудасны баруун дээд буланд байрлах хэрэглэгчийн нэр эсвэл профайл дүрс дээр дарна.
• Цэснээс “Bitdefender Account”-г сонгоно. Bitdefender Account хуудас шинэ таб дээр нээгдэнэ.

3-р алхам: Personal information хэсэг рүү орох

• “Personal information” таб дотор “Email address” хэсэгт дарна.

4-р алхам: И-мэйл хаягаа солих

• “New email” талбарт шинэ и-мэйл хаягаа оруулна.
• CHANGE EMAIL товч дээр дарна.

5-р алхам: Шинэ и-мэйл хаягаа баталгаажуулах

• Bitdefender таны оруулсан шинэ и-мэйл хаяг руу баталгаажуулах холбоос илгээнэ.
• Bitdefender-ээс ирсэн и-мэйлийг нээгээд, баталгаажуулах товч дээр дарж шинэ и-мэйл хаягаа баталгаажуулна.

Битдефендер Central дансны и-мэйл хаягаа солих нь ийм л энгийн!