Security Data Lake-ийн эхний хувилбарын тэмдэглэл

Гарсан огноо: 2025.10.30

Bitdefender-ийн шинэ шийдэл Security Data Lake-ийг танилцуулж байна. Энэ нь таны дэд бүтцийн аюулгүй байдлын болон үйл ажиллагааны лог өгөгдлийг нэг нэгдсэн интерфэйсэд төвлөрүүлж, баяжуулж, шинжлэх боломж олгоно.

Үүнтэй зэрэгцүүлж Security Data Lake for MDR-ийг мөн гаргаж байна. Энэ нь бүтээгдэхүүний бүх боломжийг агуулахаас гадна сонгосон лог өгөгдөлд MDR-ийн илрүүлэлт, хариу арга хэмжээг нэмнэ.

Security Data Lake-д GravityZone-оос шууд хандана. Email Security, Mobile Security-тэй адил тусдаа хуудастай, бие даасан консол юм. Bitdefender-ийн нэг удаагийн нэвтрэлтийн (SSO) системээр орно, тиймээс администратор нэг аюулгүй нэвтрэлтээр консолууд хооронд саадгүй шилжиж чадна.

Юу хийдэг вэ?

Security Data Lake нь байгууллагад олон эх сурвалжаас (төгсгөлийн төхөөрөмж, сервер, сүлжээний төхөөрөмж, үүлэн үйлчилгээ) логийг бодит цагт цуглуулж, боловсруулж, шинжлэх боломж олгоно. Платформ нь телеметрийн өгөгдлийг нэгтгэснээр таны орчныг бүрэн харах боломж олгож, аюулгүй байдалтай холбоотой үйл явдлыг илрүүлж, нийцлийн болон аудитын ажлыг хөнгөвчилнө.

Security Data Lake нь Bitdefender GravityZone-той нягт нэгдсэн бөгөөд төгсгөлийн төхөөрөмж болон сүлжээний телеметрээс гадна гуравдагч талын систем, дэд бүтцийг хамарсан харагдац өгнө. Streams, pipelines болон өгөгдөл чиглүүлэлтийг ашиглан логийг автоматаар ангилж, баяжуулж, хайлт, дүрслэл, урт хугацааны шинжилгээнд тохирох хадгалах газарт илгээнэ.

Security Data Lake for MDR нь Bitdefender MDR-ийг бэхжүүлдэг: Аюулгүй байдлын үйл ажиллагааны төвийн (SOC) шинжээчид Security Data Lake-ээр цуглуулсан гуравдагч талын телеметрийн өгөгдөлд хандах боломжтой болно. Ингэснээр илүү гүнзгий судалгаа хийж, аюул илрүүлэх, хариу арга хэмжээ авах чадвар сайжирна.

Боломжууд

• Log Collection (Лог цуглуулалт) - Логийг Filebeat, NXLog зэрэг дотоод цуглуулагчийг удирддаг хөнгөн агентууд (sidecar)-аар цуглуулж, forwarder-ээр дамжуулан шифрлэгдсэн сувгаар платформ руу аюулгүй дамжуулна.
• Data Processing (Өгөгдөл боловсруулалт) - Мессежийг дүрэм болон pipeline-аар шүүж, баяжуулна. Ингэснээр администратор өгөгдлийг нэг загварт оруулж, хэрэгтэй мэдээлэл гаргаж авна.
• Storage and Retention (Хадгалалт, хугацаа) - Боловсруулсан өгөгдлийг шууд шинжлэхэд зориулж хайлт хийх боломжтой Index Sets-д, эсвэл урт хугацааны архив, нийцлийн хэрэгцээнд зориулж data lake-д хадгална.
• Visualization and Search (Дүрслэл, хайлт) - Security Data Lake нь ойлгомжтой хяналтын самбар, хайлт, холбоо тогтоох (correlation) боломжтой тул аюулын судалгаа, үйл ажиллагааны хяналт хялбар болно.
• Triage and Investigations (MDR) (Эрэмбэлэлт, судалгаа) - Сонгосон гуравдагч талын аюулгүй байдлын хэрэгслүүдийн өгөгдлийг тасралтгүй хянаж, MDR-ийн осол хариу арга хэмжээний урсгалд нэгтгэснээр бодит цагт эрэмбэлж, судална.
• Response (MDR) (Хариу арга хэмжээ) – Аюулгүй байдлын үйл ажиллагааны төв (SOC) өдрийн 24 цагаар ажиллаж, илэрсэн аюулыг хязгаарлах, арилгах зөвлөмж, хариу арга хэмжээг өгнө.

Гол давуу талууд

• Таны бүх орчинг нэг дор төвлөрүүлж харах боломж
• GravityZone болон одоо байгаа Bitdefender модулиудтай саадгүй нэгдэнэ
• Өргөжих боломжтой лог хүлээн авах, өгөгдөл боловсруулах архитектур
• TLS шифрлэгдсэн холболттой, аюулгүй, нийцлийн шаардлага хангасан хадгалалт
• Шинжилгээ, криминалистик, нийцлийн хэрэгцээнд зориулсан уян хатан хугацаатай хадгалалт
• (MDR) Өдрийн 24 цагт шинжээчдийн хяналт, судалгаа, хариу арга хэмжээ

Лиценз

Бүтээгдэхүүн нь хоёр шинэ бүтээгдэхүүний нэмэлт (add-on) хэлбэрээр байна:

• GravityZone Security Data Lake
• GravityZone Security Data Lake for MDR

Монголд GravityZone-ийг Байгууллага хуудаснаас «Үнийн санал авах»-аар эсвэл албан ёсны борлуулагчаас авна.