GravityZone Full Disk Encryption туршилтыг хэрхэн эхлүүлж, тохируулах вэ?

Энэ хамгаалалтын давхарга нь Windows дээр BitLocker, macOS дээр FileVault болон diskutil-ийг удирдах замаар endpoint-уудад бүтэн дискний шифрлэлт хийх боломж олгоно. Та ачаалах болон ачаалахгүй (boot, non-boot) volume-уудыг хэдхэн товшилтоор шифрлэж, тайлж болох бөгөөд GravityZone бүх үйл явцыг хэрэглэгчийн хамгийн бага оролцоотойгоор гүйцэтгэнэ. Мөн хэрэглэгч нууц үгээ мартсан үед volume-ийг түгжээнээс гаргахад шаардлагатай сэргээх түлхүүрүүдийг GravityZone хадгална.

Бүтээгдэхүүн нь add-on (нэмэлт) хэлбэрээр байдаг бөгөөд таны байгууллагад нэмэгдсэний дараа үндсэн лицензийн хажууд жагсагдана.

Бүтээгдэхүүн таны байгууллагад дараах ашгийг өгнө:

• Төхөөрөмж гээгдэх эсвэл хулгайд алдагдсан үед өгөгдөл хамгаалагдана.
• Суурь (native) шифрлэлтийн хэрэгсэл ашигладаг тул endpoint-ын гүйцэтгэлд үзүүлэх нөлөө хамгийн бага.
• Суурь шифрлэлтийн удирдлага — администратор BitLocker (Windows), FileVault (macOS)-ийн тохиргоог хянаж, мөрдүүлнэ.
• Pre-boot authentication (ачаалахын өмнөх баталгаажуулалт)-ыг заавал мөрдүүлнэ.
• Шифрлэлтийн дүрэм журамд нийцсэн байдлын нарийвчилсан тайлан.

Туршилтыг эхлүүлэх

Туршилтыг эхлүүлэхийн тулд:

1. 1Администраторын эрхээр GravityZone-д нэвтэрнэ.
2. 2Консолын баруун дээд буланд байгаа Product Trials товчийг дарж Products hub хуудсыг нээнэ.
3. 3Full Disk Encryption хэсгийн Learn more-ийг сонгоно.
4. 4Start free trial-ийг сонгоно.

Add-on таны байгууллагын лицензийн жагсаалтад тусдаа бүтээгдэхүүн болон нэмэгдэнэ. Дараа нь нүүр хуудас руу шилжих бөгөөд GravityZone дахь танд нээгдсэн шинэ хэсгүүдийг харна.

Шинэ боломжийг тохируулж, суулгах

Шинэ боломжуудыг ашиглаж эхлэхийн тулд:

Бодлого бэлтгэж, ашиглалтад оруулах

1. 1GravityZone Control Center-д нэвтэрнэ.
2. 2Зүүн талын цэснээс Policies (Бодлого) хуудас руу очно.
3. 3Дараахын аль нэгийг хийнэ:

- Шинэ бодлогыг үүсгэх.
- Одоо байгаа бодлогын нэгийг засах.

4. 4Encryption хэсэгт модулийг идэвхжүүлж, тохируулна.
5. 5Бодлогоо Save (Хадгалах) дарж хадгална.
6. 6Шинэ бодлого үүсгэсэн бол туршихаар сонгосон endpoint-уудад оноож өгнө.

Одоо байгаа бодлогыг засварласан бол өөрчлөлт тухайн бодлого оноогдсон бүх endpoint дээр хүчин төгөлдөр болно.

Ингэснээр шинээр нээгдсэн боломжуудыг сонгосон бүх endpoint дээр идэвхжүүлнэ.

Encryption модулийг суулгахын тулд Reconfigure agent даалгавар үүсгэх

1. 1GravityZone Control Center-д нэвтэрнэ.
2. 2Зүүн талын цэснээс Network (Сүлжээ) хуудас руу очиж, модулийг суулгах endpoint-уудаа сонгоно.
3. 3Tasks (Даалгавар) товчийг дараад Reconfigure agent-ийг сонгоно.
4. 4Modules хэсгээс Add-ийг сонгож Encryption-ийг идэвхжүүлнэ.

> Тэмдэглэл: Reconfigure agent даалгаврын талаар дэлгэрэнгүйг Reconfigure agent хэсгээс үзнэ үү.

5. 5Save дарна.

Даалгавар сонгосон бүх endpoint дээр Encryption модулийг суулгана.

Шинэ боломжийг туршиж үзэх

Шифрлэх болон тайлах үйл явцыг удирдахад хоёр сонголт байдаг:

• **Decrypt** — volume-уудыг тайлж, бодлого endpoint дээр идэвхтэй байх хугацаанд шифрлэгдээгүй хэвээр байлгана.
• **Encrypt** — volume-уудыг шифрлэж, бодлого endpoint дээр идэвхтэй байх хугацаанд шифрлэгдсэн хэвээр байлгана.

Мөн тодорхой хуваалтуудыг (partition) шифрлэлтээс хасч болно.

Бүтээгдэхүүнийг худалдан авах

Туршиж үзсэнийхээ дараа бүтээгдэхүүнийг авахаар шийдвэл Products hub дахь тухайн бүтээгдэхүүний хуудаснаас авах боломжтой байж болно.

Монголд GravityZone-ийг Байгууллага хуудаснаас «Үнийн санал авах»-аар эсвэл албан ёсны борлуулагчаас авна.

Туршилтыг зогсоох

Туршилтыг зогсоохын тулд:

1. 1Администраторын эрхээр GravityZone-д нэвтэрнэ.
2. 2Консолын баруун дээд буланд байгаа Product Trials товчийг дарж Products hub хуудсыг нээнэ.
3. 3Full Disk Encryption хэсгийн Learn more-ийг сонгоно.
4. 4Stop trial-ийг сонгоно.

Бүтээгдэхүүн таны байгууллагаас хасагдаж, нэмэлт бүх боломж идэвхгүй болно.