Нэр томьёоны тайлбар — 5-р хэсэг: S–W

← Нэр томьёоны тайлбар

Script

Макро эсвэл batch файлын өөр нэр. Script бол хэрэглэгчийн оролцоогүйгээр гүйцэтгэж болох командуудын жагсаалт.

Shellcode EAF (Export address filtering)

Хортой кодын DLL экспортоос системийн мэдрэмтгий функцэд хандах оролдлого.

Shellcode execution

Shellcode ашиглан шинэ процесс үүсгэх эсвэл файл татах оролдлого.

Shellcode loadLibrary

Shellcode ашиглан сүлжээний замаар код гүйцэтгэх оролдлого.

Shellcode thread

Шинээр үүсгэсэн thread-үүдийг баталгаажуулах замаар хортой код шахах (inject) оролдлого.

Spam

Электрон хог шуудан эсвэл newsgroup дахь хог нийтлэл. Ерөнхийдөө хүсээгүй аливаа и-мэйлийг хэлнэ.

Spyware

Хэрэглэгчийн интернэт холболтоор дамжуулан түүний мэдэлгүйгээр, ихэвчлэн сурталчилгааны зорилгоор мэдээлэл нууцаар цуглуулдаг аливаа программ хангамж. Spyware программууд ихэвчлэн интернэтээс татаж авах боломжтой freeware эсвэл shareware программын далд бүрэлдэхүүн хэсэг болж ирдэг. Гэсэн ч shareware, freeware программуудын дийлэнх нь spyware агуулдаггүйг тэмдэглэх хэрэгтэй. Суулгагдсаны дараа spyware нь хэрэглэгчийн интернэт дэх үйл ажиллагааг хянаж, мэдээллийг арын дэвсгэрт өөр хүнд дамжуулдаг. Spyware нь и-мэйл хаяг, тэр байтугай нууц үг, зээлийн картын дугаарыг ч цуглуулж чадна.

Spyware нь Trojan horse-той төстэй: хэрэглэгчид өөр юм суулгахдаа мэдэлгүйгээр бүтээгдэхүүнийг суулгачихдаг. Spyware-ийн хохирогч болох нэг түгээмэл арга бол өнөө үед байдаг зарим peer-to-peer файл солилцох программыг татаж авах явдал юм.

Ёс зүй, нууцлалын асуудлаас гадна spyware нь компьютерийн санах ойн нөөцийг ашиглаж, мөн хэрэглэгчийн интернэт холболтоор мэдээллийг spyware-ийн эзэн рүү буцаан илгээхэд сүлжээний зурвасын өргөнийг (bandwidth) идэж хэрэглэгчээс хулгайлдаг. Spyware нь санах ой болон системийн нөөцийг ашигладаг тул арын дэвсгэрт ажиллах программууд системийг гацаах, ерөнхийдөө тогтворгүй болгоход хүргэж болно.

Startup items

Энэ хавтсанд оруулсан аливаа файл компьютер асах үед нээгдэнэ. Жишээ нь асах үеийн дэлгэц, компьютер анх асахад тоглох дууны файл, сануулагч хуанли эсвэл програмууд startup items байж болно. Ихэвчлэн файлыг өөрийг нь биш, файлын alias-ыг энэ хавтсанд байрлуулдаг.

STIX and TAXII

STIX (Structured Threat Information Expression) болон TAXII (Trusted Automated Exchange of Indicator Information) нь кибер халдлагаас урьдчилан сэргийлэх, түүнийг бууруулахад чиглэсэн стандартууд юм. Эдгээр стандарт нь өөрсдөө программ хангамж биш, харин программ хангамжийн ашиглаж болох техникийн үзүүлэлт юм. STIX болон TAXII-г хамтад нь ашигласнаар аюулын мэдээллийг өөрийн хамт олон, үе тэнгийнхэнтэйгээ илүү хялбар хуваалцах боломжтой.

Suspicious files and network traffic

Сэжигтэй файл гэдэг нь нэр хүнд нь эргэлзээтэй файлууд юм. Энэ зэрэглэлийг олон хүчин зүйл тодорхойлох бөгөөд тэдгээрийн дотор дижитал гарын үсэг байгаа эсэх, компьютерийн сүлжээнд тохиолдох тоо, ашигласан packer зэрэг орно. Сүлжээний урсгал хэвийн хэв маягаас гажвал сэжигтэй гэж үзнэ. Жишээ нь найдваргүй эх сурвалж, ер бусын порт руу холбогдох хүсэлт, зурвасын өргөний ашиглалт нэмэгдэх, санамсаргүй холболтын цаг гэх мэт.

System tray

Windows 95-аас эхлэн нэвтэрсэн system tray нь Windows-ийн taskbar-д (ихэвчлэн доод талд, цагны хажууд) байрлах бөгөөд факс, принтер, модем, дууны хэмжээ гэх мэт системийн функцэд хялбар хандах жижиг дүрсүүдийг агуулдаг. Дүрс дээр давхар товшиж эсвэл баруун товчоор дарж дэлгэрэнгүй мэдээлэл болон удирдлагыг үзнэ.

Targeted attacks

Голдуу санхүүгийн ашиг олох эсвэл нэр хүндийг гутаах зорилготой кибер халдлага. Бай нь хувь хүн, компани, программ хангамж эсвэл систем байж болох бөгөөд халдлага хийхээс өмнө сайтар судалдаг. Эдгээр халдлага урт хугацаанд, үе шаттайгаар, нэг буюу хэд хэдэн нэвтрэх цэгээр дамжин хэрэгждэг. Үүнийг анзаарахад хэцүү бөгөөд ихэнхдээ хохирол аль хэдийн учирсны дараа л мэдэгддэг.

TCP/IP

Transmission Control Protocol/Internet Protocol — интернэтэд өргөн хэрэглэгддэг, төрөл бүрийн техник хангамжийн архитектур, үйлдлийн системтэй, харилцан холбогдсон компьютерийн сүлжээнүүдийн хооронд харилцаа холбоог хангадаг сүлжээний протоколуудын багц. TCP/IP нь компьютерууд хэрхэн харилцахыг, мөн сүлжээнүүдийг хэрхэн холбож, урсгалыг хэрхэн чиглүүлэх конвенцийг агуулдаг.

Trojan

Хор хөнөөлгүй программ мэт дүр эсгэдэг сүйтгэгч программ. Вирусаас ялгаатай нь Trojan horse өөрийгөө хуулбарладаггүй ч адилхан сүйтгэгч байж болно. Trojan horse-ийн хамгийн зальтай нэг төрөл нь компьютерээс вирус арилгана гэж мэдэгдэж байгаад үнэндээ компьютерт вирус оруулдаг программ юм.

Энэ нэр томьёо Гомерын «Илиада»-д гардаг түүхээс гаралтай: грекчүүд дайснууддаа болох тройчуудад энхийн бэлэг болгон асар том модон морь өгдөг. Харин тройчууд морийг хотын хэрмийн дотор чирж оруулсны дараа Грекийн цэргүүд морины хөндий хэвлийгээс сэм гарч, хотын хаалгыг нээж, нөхдөө дотогш нь оруулан Трояг эзэлдэг.

Update

Программ хангамж эсвэл техник хангамжийн бүтээгдэхүүний хуучин хувилбарыг орлохоор бүтээсэн шинэ хувилбар. Нэмж хэлэхэд, шинэчлэлтийн суулгах горим нь хуучин хувилбар таны компьютер дээр аль хэдийн суугдсан эсэхийг ихэвчлэн шалгадаг; суугаагүй бол шинэчлэлтийг суулгах боломжгүй.

Bitdefender нь өөрийн update модультай бөгөөд шинэчлэлтийг гараар шалгах, эсвэл бүтээгдэхүүнийг автоматаар шинэчлүүлэхийг зөвшөөрөх боломжийг олгодог.

VBScript generic

VBScript-ийг ашиглах оролдлого.

Virus

Таны мэдэлгүйгээр компьютер дээр ачаалагдаж, таны хүслийн эсрэг ажилладаг программ эсвэл кодын хэсэг. Ихэнх вирус өөрийгөө хуулбарлаж чадна. Бүх компьютерийн вирус хүний гараар бүтээгдсэн. Өөрийгөө дахин дахин хуулбарлаж чадах энгийн вирусыг бүтээх нь харьцангуй хялбар. Ийм энгийн вирус ч аюултай, учир нь ашиглах боломжтой бүх санах ойг хурдан идэж, системийг зогсоодог. Үүнээс ч аюултай төрөл нь сүлжээгээр дамжин өөрийгөө дамжуулж, аюулгүй байдлын системийг тойрч чаддаг вирус юм.

Virus signature

Вирусын бинар хээ бөгөөд антивирус программ вирусыг илрүүлж, устгахад ашигладаг.

Web fraud

Web fraud нь фишингээс гадна бусад залилангийн төрлүүдийг багтаана. Жишээ нь хувийн мэдээлэл шууд асуудаггүй ч хууль ёсны бизнес мэт дүр эсгэж, хүмүүсийг хууран мэхэлж өөртэй нь худалдаа хийлгэн ашиг олох гэсэн хуурамч компаниудыг төлөөлсөн вэб сайтууд.

Web malware

Web malware бол вэб хуудас болон вэб сервер дээр ажиллах хортой зорилгоор бүтээсэн программ хангамж. Ийм вэб хуудас таны компьютер руу хортой программ агуулах, түгээх, бүр татаж оруулж ч болно.

Worm

Сүлжээгээр өөрийгөө дамжуулж, явсаар өөрийгөө хуулбарладаг программ. Бусад программд өөрийгөө хавсаргаж чадахгүй.