Splunk

Splunk болон GravityZone хоорондын холболтыг тохируулахын тулд доорх алхмуудыг дагана уу.

1. Урьдчилсан нөхцөлийг шалгах

Дараах программ хангамжууд суулгагдсан байх ёстой:

• Splunk Enterprise 8.X
• Splunk Common Interface Model app, зөвхөн 4x хувилбарууд.

Одоогийн Splunk хувилбар нь GravityZone 6.27.1 болон түүнээс дээш хувилбараас өгөх боломжуудын өгөгдлийг дэмжинэ.

2. Bitdefender Gravityzone for Splunk App-ийг суулгах

Bitdefender Gravityzone for Splunk App нь GravityZone-оос хүлээн авсан бүх мэдээллийг олон хэсэг, виджетээр зохион байгуулсан Dashboard (хяналтын самбар)-аар харуулна. Мөн аппликейшнээр мэдээлэл хайх, тайлан гаргах боломжтой. Аппликейшныг суулгахын тулд:

1. 1
   Bitdefender Gravityzone for Splunk App-ийн суулгах багцыг эндээс татна. Splunk Enterprise-д нэвтэрнэ.
2. 2
   Нүүр хуудасны зүүн дээд талын Manage Apps товчийг дарна.
3. 3
   Дэлгэцийн баруун талын Install app from file товчийг дарна. Browse... дарна.
4. 4
   1-р алхмаар татсан багцыг сонгоно. Upload дарна.

3. Bitdefender Gravityzone Add-on for Splunk-ийг суулгах

Bitdefender Gravityzone Add-on for Splunk нь эх сурвалжийн холбоос (source mapping), өгөгдөл гаргаж авалт болон хувиргалтыг хангаж Bitdefender Gravityzone App for Splunk-ийг дэмждэг. Энэ нь задлан шинжлэгч (parser) шиг ажиллаж, Bitdefender-ийн янз бүрийн эх сурвалжаас цуглуулсан бүх өгөгдлийг Splunk-тай нийцтэй CIM форматад хөрвүүлнэ. Суулгахын тулд:

1. 1
   Bitdefender Gravityzone Add-on for Splunk-ийн суулгах багцыг эндээс татна. Splunk Enterprise-д нэвтэрнэ.
2. 2
   Нүүр хуудасны зүүн дээд талын Manage Apps товчийг дарна.
3. 3
   Дэлгэцийн баруун талын Install app from file товчийг дарна. Browse... дарна.
4. 4
   1-р алхмаар татсан багцыг сонгоно. Upload дарна.

4. GravityZone-ийг Bitdefender Gravityzone for Splunk App instance рүү Syslog протоколоор мэдэгдэл илгээхээр тохируулах

1. 1
   GravityZone Control Center-т холбогдоно.
2. 2
   Зүүн талын цэснээс Configuration хуудас руу очиж Miscellaneous дарна.
3. 3
   Enable Syslog сонголтын хайрцгийг тэмдэглэнэ.
4. 4
   Splunk instance-ийн IP хаяг, сонгосон протокол, Syslog сонсож буй портыг оруулна.
5. 5
   Өгөгдлийг Syslog сервер рүү илгээх формат болгон json-ийг сонгоно.
6. 6
   Action баганад байгаа Add товчийг дарна.

Splunk instance дээр хүлээн авахыг хүссэн үйл явдлуудыг сонгохын тулд:

1. 1
   GravityZone Control Center-т холбогдоно.
2. 2
   Цэсний мөрийн баруун талд байгаа Notification товчийг дараад Settings дүрсийг дарна.
3. 3
   Enable Notification хэсэгт GravityZone-оос хүлээн авахыг хүссэн мэдэгдлийн төрлүүдийг сонгоод Log to server сонголтын хайрцгийг тэмдэглэнэ.

5. Splunk-ийг Syslog протоколоор өгөгдөл хүлээн авахаар тохируулах

1. 1
   Splunk Enterprise-д нэвтэрнэ.
2. 2
   Дэлгэцийн баруун дээд талд Settings-ийг дараад Data Inputs-ийг сонгоно.
3. 3
   Local inputs хэсэгт TCP эсвэл UDP-г сонгоно. Дэлгэцийн баруун дээд талын New local TCP (эсвэл UDP-ийн хувьд New local UDP) товчийг дарна.
4. 4
   TCP эсвэл UDP портыг сонгоно. Port талбарыг бөглөж, хүсвэл Source name override болон Only accept connection from талбаруудыг бөглөнө. Next дарна.
5. 5
   Source type хэсэгт Select дараад bitdefender:gz сонголтыг сонгоно.
6. 6
   App context хэсэгт TA-bitdefender-gravityzone-ийг сонгоно.
7. 7
   Host хэсэгт тохирох IP, DNS-ийг оруулах эсвэл өөрийн host утгыг бичнэ.
8. 8
   Index хэсэгт өгөгдлөө хадгалахыг хүссэн индексийг сонгоно. Дэлгэцийн дээд талын Review товчийг дарж мэдээллээ шалгана.
9. 9
   Submit дарна.