Android дээр Bitdefender VPN-ийг хэрхэн ашиглах вэ? (холболт, тохиргоо, захиалга)

Энэ гарын авлагад Android төхөөрөмж дээр Bitdefender VPN ашиглах үндсэн зүйлсийг тайлбарлана: VPN сервер сонгох, тохиргоо хийх, тусгай зөвшөөрөл, Premium VPN рүү шилжих.

Bitdefender VPN таны интернэт холболтыг шифрлэж, аюулгүй сервероор дамжуулснаар онлайн үйлдэл, хувийн мэдээллийг тань хамгаална. Энэ нь ялангуяа нийтийн Wi-Fi ашиглахад хакер, тагнагчдаас өгөгдлөө хамгаалах нэмэлт давхарга болно. Мөн зарим улс, бүс нутагт хязгаарлагдсан контентод хандахад ашиглаж болно.

VPN-д холбогдох

VPN-ийн дэлгэц апп холбогдсон эсэхийг харуулна. Bitdefender VPN холбогдсон үед дэлгэцийн дээд хэсэгт түлхүүрийн тэмдэг гарна. Батерейгаа хэмнэхийн тулд хэрэглэхгүй үедээ VPN-ийг унтраахыг зөвлөе.

Android дээр Bitdefender VPN-ийг хоёр аргаар асааж, унтрааж болно:

A. Bitdefender VPN апп-аар

1. 1Bitdefender VPN апп-ыг нээнэ.
2. 2Холбогдох эсвэл салахдаа VPN-ийн дэлгэц дээрх асаах товч ⏻-ийг дарна.

Үнэгүй хувилбарын хэрэглэгчийн серверийн байршлыг Bitdefender автоматаар хамгийн ойрын сервер болгож тохируулна. Premium хувилбар ашиглаж байгаа бөгөөд тодорхой сервер сонгохыг хүсвэл Locations (Байршлууд)-ийг дараад жагсаалтаас улсаа сонгоно.

B. Bitdefender Mobile Security апп-аар

1. 1Bitdefender Mobile Security апп-ыг нээнэ.
2. 2Баруун доод буланд байрлах More (Бусад) ∴ тэмдгийг дарна.
3. 3Гарч ирсэн цэснээс VPN-ийг сонгоно.
4. 4VPN-ийг асаахдаа CONNECT, унтраахдаа DISCONNECT дарна.

Үнэгүй хувилбарт серверийг автоматаар хамгийн ойрынхоор сонгоно. Premium хувилбарт тодорхой сервер сонгохдоо Automatic-ийг дараад жагсаалтаас улсаа сонгоно.

Тохиргоо

Bitdefender VPN-ийн тохиргоо руу орохдоо баруун дээд буланд байрлах хэрэглэгчийн нэрээ дарна.

My Account (Миний данс)

Дээд хэсэгт таны Bitdefender данс харагдана. Тэнд байгаа и-мэйл хаягийг дарж дараах зүйлсийг үзнэ:

• Edit profile – дансны тохиргоо, мэдээллээ удирдах.
• Subscription – захиалгын төрөл, дуусах хугацаа.
• Manage subscription – Bitdefender Central дээр захиалгаа удирдах.
• Refresh subscription status – серверийн асуудал гарсан үед захиалгын төлвийг шинэчлэх.
• Log out – Bitdefender Central данснаасаа гарах.

General (Ерөнхий)

• Show latest locations – сүүлд ашигласан байршлуудыг нүүр дэлгэцэд харуулж, хурдан сонгох.
• Show dashboard data – VPN-ийн нүүр дэлгэцэд чиг хандлага, статистик болон бусад хэрэгтэй мэдээллийг харуулах.
• Clear dashboard data – самбарын бүх өгөгдлийг устгаж, тоолуурыг тэглэх.
• Theme – цайвар/бараан загвар.
• Notifications – мэдэгдлийн тохиргоо.
• Local network – дотоод сүлжээний төхөөрөмжүүдэд хандахыг зөвшөөрөх.
• Help improve Bitdefender VPN – бүтээгдэхүүнийг сайжруулахад туслах нэргүй тайлан илгээх.
• Bitdefender essential services – үйлчилгээг тасалдалгүй ажиллуулж, оновчтой гүйцэтгэл хангах.
• Reset all settings – VPN-ийг дахин суулгалгүйгээр анхны тохиргоонд нь оруулах.

Privacy (Нууцлал)

• Internet Kill-Switch – VPN холболт түр тасарвал интернэтийн бүх траффикийг зогсооно.
• Ad blocker and Anti-tracker – зар сурталчилгаа, мөрдөгчийг хааж вэбийг цэвэр, хурдан болгоно.

Auto-connect (Автомат холболт)

• Unsecured Wi-Fi – нийтийн эсвэл хамгаалалтгүй Wi-Fi сүлжээнд холбогдоход VPN автоматаар асна.

Advanced (Нарийвчилсан)

• Split tunneling – сонгосон апп, вэбсайтыг VPN-ээр дамжуулалгүй интернэтэд шууд холбох.
• Protocol – өгөгдөл дамжуулах протоколын төрлийг сонгох.
• Double-hop – нэмэлт аюулгүй байдлын тулд хоёр VPN сервероор дамжуулж, траффикийг давхар шифрлэх.

Support (Тусламж)

• Support Center – түгээмэл асуулт үзэх эсвэл дэмжлэгийн багт хандах.
• Ask the Community – Bitdefender-ийн форумаас хариулт, шийдэл авах.

Монгол хэлээр тусламж авахыг хүсвэл Асуулт асуух-аар хандана уу.

About (Тухай)

Android төхөөрөмж дээр суусан VPN version-ийг харуулна. Мөн Subscription Agreement, Privacy Policy, Third party license terms зэрэг баримтыг эндээс үзнэ.

Android 11 ба түүнээс хойших хувилбарт хамгаалалтгүй Wi-Fi-д автоматаар холбогдох

Android 11 нь апп-ууд ашиглагдаагүй үедээ байршилд хандах хүсэлт гаргахыг хүндрүүлсэн. Энэ үйлдлийн системийн хязгаарлалтаас болж Android 11 буюу түүнээс шинэ хувилбартай утас, таблет дээр нийтийн Wi-Fi-д автоматаар холбогдох Bitdefender VPN-ийн тохиргоо хүлээгдсэн ёсоор ажиллахгүй.

Итгэмжгүй Wi-Fi сүлжээнд нэгдэх үед Android 11 төхөөрөмжөө Bitdefender VPN-д автоматаар холбуулахыг хүсвэл энэ нийтлэлийн алхмыг дагана уу.

Захиалга

Bitdefender VPN-ийн үнэгүй хувилбарт таны захиалгад багтсан төхөөрөмж бүрт өдөрт 200 MB өгөгдөл ашиглах эрх байна (Bitdefender Small Office Security-д өдөрт 500 MB). Энэ өдрийн хязгаар хэрэгтэй үед холболтоо хамгаалахад хангалттай бөгөөд таныг автоматаар хамгийн ойрын серверт холбоно.

Хязгааргүй траффик, дуртай серверийн байршлаа сонгож дэлхийн аль ч контентод хандах зэрэг нэмэлт боломж хүсвэл Premium хувилбар руу шилжиж болно. Алхмыг нь Android дээр Bitdefender Premium VPN рүү хэрхэн шилжих вэ? нийтлэлээс үзнэ үү.

Видео – Bitdefender VPN-ийн тойм

Видео (YouTube)