Bitdefender суулгасны дараа компьютер удааширвал яах вэ?

Хамгаалалтын программ суулгасны дараа компьютер бага зэрэг удааширдаг нь тодорхой хэмжээнд хэвийн үзэгдэл. Харин Bitdefender суулгасны дараа компьютер мэдэгдэхүйц удаан болсон бол доорх алхмуудыг дарааллаар нь шалгаж, системээ хурдасгана уу.

1. Олон антивирус программ зэрэг суусан

Хамгийн түгээмэл шалтгаан нь компьютер дээр Bitdefender-ээс гадна өөр хамгаалалтын программ суусан байх явдал.

Суулгах явцад Bitdefender компьютер дээрх бусад хамгаалалтын программыг хайж олоод устгахыг санал болгодог. Нэг компьютер дээр хоёр ба түүнээс олон хамгаалалтын программ зэрэг суусан бол компьютер удааширч, программууд хоорондоо зөрчилдөж, аль нь ч хэвийн ажиллах баталгаагүй болно. Тиймээс Bitdefender суулгахаасаа өмнө бусад антивирус программыг устгахыг зөвлөж байна. Дэлгэрэнгүйг Түгээмэл антивирус программуудыг устгах хэрэгсэл нийтлэлээс үзнэ үү.

2. Системийн шаардлага

Бусад хамгаалалтын программыг бүгдийг устгасан ч компьютер удаан хэвээр байвал Bitdefender ажиллуулах системийн шаардлагыг хангаж буй эсэхийг шалгана.

Компьютер системийн шаардлагыг хангахгүй бол, ялангуяа олон программ зэрэг ажиллах үед удаан болно. Bitdefender-ийн системийн шаардлагыг эндээс харна уу.

3. Ашиглахгүй программууд

Аливаа компьютерт ашиглагддаггүй программ, апп байдаг. Тэдгээрийн олонх нь ар талд ажиллаж, дискний зай, санах ой эзэлдэг. Ашиглахгүй программаа устгана уу. Компьютертэй хамт урьдчилан суусан программ, устгахаа мартсан туршилтын хувилбарын программд ч мөн адил.

4. Өгөгдөл гэмтсэн, хатуу диск хуваагдсан (fragmentation)

Windows Registry-д хэт олон буруу түлхүүр үлдсэн эсвэл хатуу диск дээрх файлууд хэт хуваагдсан байж болно.

Windows Registry-г цэвэрлэх нь системийн гүйцэтгэлийг сайжруулж болно. Мөн файлууд хуваагдсан байх нь файл унших хурдыг удаашруулж, системийн гүйцэтгэлийг бууруулдаг. Disk Defragmenter ажиллуулах нь гүйцэтгэлийг сайжруулж болно. Disk Defragmenter ажиллуулах алхмыг Microsoft-ын заавраас үзнэ үү.

5. Систем халдвартай байж болзошгүй

Хортой программ ч системийн хурд, ерөнхий ажиллагаанд нөлөөлж болно. Тагнуулын программ (spyware), вирус, троян, зар харуулагч программ (adware) бүгд компьютерийн гүйцэтгэлийг бууруулдаг. Системээ тогтмол, долоо хоногт дор хаяж нэг удаа шалгаарай. Системд заналхийлж буй бүх төрлийн хортой программыг шалгадаг тул Bitdefender-ийн System Scan (Системийн шалгалт)-ийг ашиглахыг зөвлөж байна.

System Scan эхлүүлэхийн тулд:

1. 1Bitdefender-ийн цонхыг нээнэ.
2. 2[System Scan](/support/bitdefender-eer-kompyuteree-virusaas-kherkhen-shalgaj)-ийг дарна.