iPhone, iPad дээр Bitdefender VPN-ийг хэрхэн ашиглах вэ?

Энэ нийтлэлд iOS болон iPadOS-д зориулсан Bitdefender VPN-ийг танилцуулна. VPN сервер сонгох, тохиргоогоо өөрчлөх, захиалгаа Premium VPN болгох талаар алхам алхмаар тайлбарлана.

Bitdefender VPN ашиглах үед таны өгөгдөл шифрлэгдэж, хамгаалагдсан «хонгилоор» дамждаг тул бусад хүн таны онлайн үйлдлийг харах, хувийн мэдээлэлд тань хандах нь хэцүү болно. Таны жинхэнэ IP хаяг нуугдаж, вэбсайт, онлайн үйлчилгээнүүд зөвхөн VPN серверийн IP хаягийг харна. Ялангуяа нийтийн Wi-Fi сүлжээ ашиглах үед энэ нь хакер, тагнагчдаас таны өгөгдлийг хамгаалах нэмэлт давхарга болдог. Мөн зарим улс, бүс нутагт хязгаарлагдсан контентод хандахад VPN-ийг ашиглаж болно.

Доорх хэсгүүдээс дэлгэрэнгүй үзнэ үү.

VPN-д холбогдох

VPN-ийн цонхон дээр апп холбогдсон эсэх харагдана. Батарейгаа хэмнэхийн тулд VPN-ийг ашиглахгүй үедээ унтраахыг зөвлөж байна.

iPhone, iPad дээрээ Bitdefender VPN-д холбогдохын тулд дараах алхмуудыг дагана.

A. Bitdefender VPN аппаар

1. 1Төхөөрөмж дээрээ Bitdefender VPN аппыг нээнэ.
2. 2Холбогдох эсвэл салгахын тулд VPN-ийн дэлгэц дээрх ⏻ асаах/унтраах товчийг товшино.
3. 3Bitdefender VPN-д анх удаа холбогдохдоо VPN-ийн тохиргоог хийх шаардлагатай:

- Continue (Үргэлжлүүлэх)-г товшино.
- Allow (Зөвшөөрөх)-г товшиж шаардлагатай зөвшөөрлийг олгоно.
- Асуух үед iPhone-ийнхоо passcode-ыг оруулна.

Bitdefender VPN-ийн үнэгүй хувилбар ашиглаж байгаа бол Bitdefender серверийн байршлыг хамгийн ойрын байршлаар автоматаар сонгоно. Харин premium хэрэглэгч бөгөөд тодорхой VPN сервер рүү холбогдохыг хүсвэл:

• Locations (Байршил)-г товшино.
• Улсуудын жагсаалтаас холбогдох улсаа сонгоно.

B. Bitdefender Mobile Security аппаар

1. 1Төхөөрөмж дээрээ Bitdefender Mobile Security аппыг нээнэ.
2. 2Доод навигацын мөрөнд байрлах VPN дүрсийг товшино.
3. 3VPN-ийг асаахын тулд Connect (Холбогдох)-г товшино. Унтраахдаа Disconnect (Салгах)-г товшино.

Bitdefender VPN-ийн үнэгүй хувилбар ашиглаж байгаа бол Bitdefender серверийн байршлыг хамгийн ойрын байршлаар автоматаар сонгоно. Харин premium хэрэглэгч бөгөөд тодорхой VPN сервер рүү холбогдохыг хүсвэл:

• Automatic (Автомат)-г товшино.
• Улсуудын жагсаалтаас холбогдох улсаа сонгоно.

Тохиргоо

Bitdefender VPN-ийн тохиргоо руу орохын тулд баруун дээд буланд байрлах хэрэглэгчийн нэр дээрээ товшино.

My Account (Миний данс)

Таны Bitdefender данс дээд хэсэгт харагдана. Энд харагдах и-мэйл хаяг дээр товшвол дараах сонголтууд гарна:

• Edit profile – дансны тохиргоо, мэдээллээ удирдана.
• Subscription – захиалгын төрөл, дуусах хугацааг харуулна.
• Manage subscription – Bitdefender Central дахь захиалгуудаа удирдана.
• Restore purchases – сервертэй холбогдоход асуудал гарсан үед хэрэг болно.
• Log out – Bitdefender Central данснаасаа гарна.
• Delete account – Bitdefender Central дансаа устгана.

General (Ерөнхий)

Энд дараах зүйлсийг өөрчилж болно:

• Show latest locations – хурдан сонгохын тулд сүүлийн байршлуудыг үндсэн дэлгэцэн дээр харуулна.
• Show dashboard data – VPN-ийн үндсэн дэлгэцэн дээр чиг хандлага, статистик болон бусад хэрэгтэй мэдээллийг харуулна.
• Clear dashboard data – самбарын бүх өгөгдлийг устгаж, тоолуурыг тэглэнэ.
• Theme – цайвар/бараан загвар.
• Notifications – мэдэгдлийн тохиргоогоо удирдана.
• Reset VPN profile – холболтын асуудал гарвал туршаад үзээрэй. Холболт тасарч, дараагийн удаа Bitdefender VPN-д холбогдохдоо VPN профайлыг дахин суулгахыг танаас хүснэ.
• Help improve Bitdefender VPN – туршлагыг сайжруулахад туслах нэргүй тайлан илгээнэ.
• Bitdefender essential services – хамгийн сайн ажиллагааны тулд үйлчилгээнүүдийг тасралтгүй ажиллахыг зөвшөөрнө.
• Reset all settings – VPN-ийг дахин суулгалгүйгээр анхны тохиргоонд нь буцаана.

Privacy (Нууцлал)

• Internet Kill-Switch – VPN холболт түр тасарвал интернэтийн бүх траффикийг зогсооно.
• Ad blocker and Anti-tracker – зар сурталчилгаа, хянагчийг (tracker) хааж, вэбийг цэвэр, хурдан болгоно.

Auto-connect (Автоматаар холбогдох)

VPN хэзээ автоматаар холбогдохыг энд тохируулна:

• Unsecured Wi-Fi – нийтийн эсвэл хамгаалалтгүй Wi-Fi сүлжээ ашиглах үед VPN холбогдоно.

Advanced (Нарийвчилсан)

• Split tunneling – VPN-ийг тойрч интернэтэд шууд холбогдох вэбсайтуудаа сонгоно.
• Protocol – өгөгдөл дамжуулахад ашиглах протоколын төрлийг сонгоно.
• Double-hop – нэмэлт хамгаалалтын тулд хоёр VPN сервер ашиглаж интернэт траффикаа давхар шифрлэнэ.

Support (Тусламж)

• Support Center – түгээмэл асуултуудыг үзэх эсвэл VPN аппын талаар тусламж хэрэгтэй бол дэмжлэгийн багт хандана.
• Ask the Community – Bitdefender-ийн форумаас хариулт, шийдэл авна.

Монголд тусламж хэрэгтэй бол Асуулт асуух-аар бидэнд бичээрэй.

About (Тухай)

iOS төхөөрөмж дээр тань суусан VPN-ийн version number (хувилбарын дугаар)-ыг харуулна. Мөн энд дараахыг уншиж болно:

• VPN Agreement (VPN-ийн гэрээ)
• Subscription Agreement (Захиалгын гэрээ)
• Privacy Policy (Нууцлалын бодлого)
• Third party license terms (Гуравдагч талын лицензийн нөхцөл)

Захиалга

Bitdefender VPN нь таны захиалгад багтсан төхөөрөмж бүрт өдөрт 200 MB траффик олгоно (Bitdefender Small Office Security-д өдөрт 500 MB). Энэ өдрийн траффикийн квот хэрэгтэй үед тань холболтыг хамгаалж, таныг автоматаар хамгийн ойрын сервер рүү холбодог.

Хязгааргүй траффик, дуртай серверийн байршлаа сонгож дэлхийн аль ч газрын контентод хандах зэрэг нэмэлт давуу тал хүсвэл premium хувилбар руу шилжиж болно. Premium VPN руу шилжих талаар iOS дээр Bitdefender Premium VPN руу хэрхэн шилжих вэ нийтлэлээс үзнэ үү.

Видео танилцуулга

Видео (YouTube)