Лицензийн түлхүүр ирээгүй бол яах вэ?

bitdefender.mn-ээс лиценз худалдаж авахад төлбөр баталгаажмагц лицензийн түлхүүр болон PDF гэрчилгээ таны и-мэйл рүү очдог. И-мэйл ирээгүй бол доорх алхмуудыг дарааллаар нь шалгана уу.

1. Бүртгэлээсээ түлхүүрээ харах

И-мэйл ирээгүй байсан ч таны худалдаж авсан бүх лиценз bitdefender.mn дээрх бүртгэлд тань хадгалагддаг.

1. 1Худалдан авалт хийсэн и-мэйл хаягаараа нэвтэрнэ.
2. 2Миний лицензүүд хуудсыг нээнэ.
3. 3Бүтээгдэхүүн бүрийн нэрийн доор түлхүүр нь харагдана. Хажууд нь PDF гэрчилгээ татах товч бий.

2. И-мэйлийн бүх хавтсыг шалгах

Лиценз no-reply@bdsystemsasia.mn («Bitdefender Mongolia») хаягаас «Таны Bitdefender лиценз бэлэн боллоо» гэж эхэлсэн гарчигтай ирдэг. Зарим и-мэйл үйлчилгээ үүнийг андуурч спам гэж ангилдаг.

• Inbox-оос гадна Spam, Junk, Promotions хавтсыг шалгана.
• Спам хавтаснаас олдвол и-мэйлийг сонгоод Not spam (Спам биш) товчийг дарна. Цаашид манай и-мэйл Inbox руу ирнэ.

3. Төлбөрөө шалгах

Түлхүүр зөвхөн төлбөр баталгаажсаны дараа илгээгддэг.

1. 1Гүйлгээний түүх хуудсыг нээнэ.
2. 2Захиалгынхаа төлөвийг харна. Төлбөр хүлээгдэж байгаа бол төлбөрөө дуусгах эсвэл хэдэн минут хүлээгээд хуудсаа шинэчилнэ.

4. Борлуулагчаас худалдаж авсан бол

Лицензээ Bitdefender Mongolia-ийн гэрээт борлуулагчаас авсан бол түлхүүрийг тухайн борлуулагч олгодог. Худалдаж авсан газартаа хандана уу.

5. Бидэнтэй холбогдох

Дээрх алхмуудаар түлхүүрээ олоогүй бол Асуулт асуух хэсгээр хүсэлт илгээнэ үү. Захиалгын дугаар, төлбөр төлсөн огноо, и-мэйл хаягаа бичвэл хурдан шийдвэрлэнэ.

Дараа нь

Түлхүүрээ авсны дараа Bitdefender Central дээр идэвхжүүлнэ:

1. 1central.bitdefender.com руу нэвтэрнэ. Бүртгэлгүй бол шинээр үүсгэнэ.
2. 2My Subscriptions (Миний захиалгууд) хэсгийг нээнэ.
3. 3Activate with code (Кодоор идэвхжүүлэх) товчийг дарж түлхүүрээ оруулна.