Windows дээр Bitdefender VPN-ийг хэрхэн ашиглах вэ?

Энэ нийтлэлд Windows-д зориулсан Bitdefender VPN-ийг танилцуулна. Аппыг хэрхэн нээх, VPN сервер сонгох, тохиргоогоо хийх, захиалгаа Premium VPN болгох талаар алхам алхмаар тайлбарлана.

Bitdefender VPN ашиглах үед таны өгөгдөл шифрлэгдэж, хамгаалагдсан «хонгилоор» дамждаг тул бусад хүн таны онлайн үйлдлийг харах, хувийн мэдээлэлд тань хандах нь хэцүү болно. Таны жинхэнэ IP хаяг нуугдаж, вэбсайт, онлайн үйлчилгээнүүд зөвхөн VPN серверийн IP хаягийг харна. Ялангуяа нийтийн Wi-Fi сүлжээ ашиглах үед энэ нь хакер, тагнагчдаас таны өгөгдлийг хамгаалах нэмэлт давхарга болдог. Мөн зарим улс, бүс нутагт хязгаарлагдсан контентод хандахад VPN-ийг ашиглаж болно.

Доорх хэсгүүдээс дэлгэрэнгүй үзнэ үү.

Windows дээр Bitdefender VPN-ийг нээх

Bitdefender VPN-ийн үндсэн цонхыг дараах аргуудын аль нэгээр нээнэ.

Desktop-оос

Desktop дээрх Bitdefender VPN товчлол (shortcut) дээр давхар товшино.

System tray-гаас

Taskbar-ын баруун захад байрлах цагаан бамбай дүрс дээр товшино. Эсвэл тэр дүрс дээр баруун товшиж Show (Харуулах)-г сонгоно.

Bitdefender-ийн программаас

Компьютер дээр тань суусан Bitdefender Total Security, Internet Security, Antivirus Plus зэрэг аюулгүй байдлын программаас Bitdefender VPN-ийг нээж болно:

1. 1Bitdefender-ийн цонхны зүүн талын цэснээс Privacy (Нууцлал)-г дарна.
2. 2VPN хэсэгт Open VPN (VPN нээх)-г дарна.

VPN-д холбогдох

VPN-ийн цонхон дээр апп холбогдсон эсэх харагдана. Үнэгүй хувилбарын хэрэглэгчийн серверийн байршлыг Bitdefender автоматаар хамгийн ойрын сервер болгож тохируулдаг. Premium хувилбар ашиглаж байгаа бөгөөд тодорхой VPN сервер рүү холбогдохыг хүсвэл Locations (Байршил) дээр дарж жагсаалтаас улсаа сонгоно.

Холбогдох эсвэл салгахын тулд VPN-ийн цонхон дээрх ⏻ асаах/унтраах товчийг дарахад хангалттай.

• VPN холбогдсон үед system tray-ийн дүрс дээр ногоон тэмдэг харагдана.
• Bitdefender VPN-д холбогдсон үед виртуал серверийн IP хаяг үндсэн дэлгэцэн дээр харагдана.
• Мөн холбогдсон хугацаа, хамгаалагдсан траффикийн хэмжээ, сүүлд холбогдсон 5 байршлын товчоо үндсэн самбар (dashboard) дээр харагдана.

Тохиргоо

Нэмэлт тохиргоо руу орохын тулд Bitdefender VPN цонхны дээд хэсэгт байрлах Settings (Тохиргоо)-г дарна.

General (Ерөнхий)

Энд дараах зүйлсийг өөрчилж болно:

• Open on Startup – төхөөрөмж асахад Bitdefender VPN автоматаар нээгдэнэ.
• Show latest locations – хурдан сонгохын тулд сүүлийн байршлуудыг үндсэн дэлгэцэн дээр харуулна.
• Show dashboard data – VPN-ийн үндсэн дэлгэцэн дээр чиг хандлага, статистик болон бусад хэрэгтэй мэдээллийг харуулна.
• Clear dashboard data – самбарын бүх өгөгдлийг устгаж, тоолуурыг тэглэнэ.
• Theme – цайвар/бараан загвар.
• Language – Bitdefender VPN-ийн хэлийг солино.
• Notifications – мэдэгдлийн тохиргоогоо удирдана.
• Local network – дотоод сүлжээн дэх төхөөрөмжүүдэд хандахыг зөвшөөрнө.
• Help improve Bitdefender VPN – туршлагыг сайжруулахад туслах нэргүй тайлан илгээнэ.
• Reset all settings – VPN-ийг дахин суулгалгүйгээр анхны тохиргоонд нь буцаана.

Privacy (Нууцлал)

• Internet Kill-Switch – VPN холболт түр тасарвал интернэтийн бүх траффикийг зогсооно.
• Ad blocker and Anti-tracker – зар сурталчилгаа, хянагчийг (tracker) хааж, вэбийг цэвэр, хурдан болгоно.

Auto-connect (Автоматаар холбогдох)

VPN хэзээ автоматаар холбогдохыг энд тохируулна:

• Device Startup – Windows асахад Bitdefender VPN холбогдоно.
• Unsecured Wi-Fi – нийтийн эсвэл хамгаалалтгүй Wi-Fi сүлжээ ашиглах үед VPN холбогдоно.
• Peer-to-peer apps – peer-to-peer файл хуваалцах апп асаахад VPN холбогдоно.
• Specific applications or websites – тодорхой апп, сайт руу орох үед VPN холбогдоно.
• Website categories – тодорхой ангиллын вэбсайт руу орох үед VPN холбогдоно.

Advanced (Нарийвчилсан)

• Split tunneling – VPN-ийг тойрч интернэтэд шууд холбогдох апп, вэбсайтаа сонгоно.
• Protocol – өгөгдөл дамжуулахад ашиглах протоколын төрлийг сонгоно.
• App Traffic Optimizer – Bitdefender VPN-д холбогдсон үед хамгийн хэрэгтэй аппуудынхаа интернэт траффикийг давуу эрхтэй болгоно.

My Account (Миний данс)

Bitdefender-ийн хэрэглэгчийн данс болон VPN-ийн захиалгын мэдээлэл энд харагдана.

• Edit profile – дансны тохиргоо, мэдээллээ удирдана.
• Subscription – захиалгын төрөл, дуусах хугацааг харуулна.
• Manage subscription – Bitdefender Central дахь захиалгуудаа удирдана.
• Switch Account – өөр Bitdefender Central дансаар нэвтэрнэ.

Support (Тусламж)

• Support Center – түгээмэл асуултуудыг үзэх эсвэл VPN аппын талаар тусламж хэрэгтэй бол дэмжлэгийн багт хандана.
• Ask the Community – Bitdefender-ийн форумаас хариулт, шийдэл авна.

Монголд тусламж хэрэгтэй бол Асуулт асуух-аар бидэнд бичээрэй.

About (Тухай)

Windows компьютер дээр тань суусан VPN version (VPN-ийн хувилбар)-ыг харуулна. Мөн энд дараахыг уншиж болно:

• Subscription Agreement (Захиалгын гэрээ)
• Privacy Policy (Нууцлалын бодлого)
• Third party license terms (Гуравдагч талын лицензийн нөхцөл)

Захиалга

Bitdefender VPN нь таны захиалгад багтсан төхөөрөмж бүрт өдөрт 200 MB траффик олгоно (Bitdefender Small Office Security-д өдөрт 500 MB). Энэ өдрийн траффикийн квот хэрэгтэй үед тань холболтыг хамгаалж, таныг автоматаар хамгийн ойрын сервер рүү холбодог.

Хязгааргүй траффик, дуртай серверийн байршлаа сонгож дэлхийн аль ч газрын контентод хандах зэрэг нэмэлт давуу тал хүсвэл premium хувилбар руу шилжиж болно. Premium VPN руу шилжих талаар Windows дээр Bitdefender Premium VPN руу хэрхэн шилжих вэ нийтлэлээс үзнэ үү.

Видео танилцуулга

Видео (YouTube)