Bitdefender Identity Theft Protection гэж юу вэ? Түгээмэл асуулт, хариулт

Bitdefender Identity Theft Protection-ийн талаар хамгийн их асуудаг асуулт, хариултыг энд нэгтгэлээ.

Ерөнхий асуултууд

Хувийн мэдээллийн хулгай (identity theft) гэж юу вэ?

Хэн нэгэн өөр хүний хувийн мэдээллийг хулгайлж, түүнийг залилан, хууран мэхлэх зорилгоор ашиглахыг хувийн мэдээллийн хулгай гэнэ. Ихэвчлэн санхүүгийн ашиг олох зорилгоор үйлддэг. Мөн гэмт этгээд өөрийн нэр дээрх хуулийн хариуцлагаас зайлсхийх, эсвэл бусдад ногдох тэтгэмж, үйлчилгээг хулгайлах зорилгоор ч хийдэг.

Bitdefender Identity Theft Protection гэж юу вэ, хэрхэн ажилладаг вэ?

IdentityForce-ийн технологид суурилсан Bitdefender Identity Theft Protection нь таны хувийн мэдээллийг тасралтгүй хянаж, шуурхай мэдэгдэл илгээж, мэдээллээ хулгайлуулсан тохиолдолд сэргээх үйлчилгээ үзүүлдэг. Дэвшилтэт илрүүлэх технологи, бодит цагийн мэдэгдэл, мэргэшсэн хамгаалалтын мэргэжилтнүүд болон хувийн мэдээлэл сэргээх туршлагыг хослуулдаг.

Identity Theft Protection болон Digital Identity Protection хоёр юугаараа ялгаатай вэ?

Bitdefender Identity Theft Protection болон Bitdefender Digital Identity Protection нь ижил бүтээгдэхүүн биш. Dark Web болон сошиал сүлжээг хянах зэрэг зарим функц нь давхцдаг ч өөр зорилготой:

• Digital Identity Protection нь таны дижитал ул мөрийг хянаж, мэдээлэл алдагдахаас сэргийлж, онлайн нууцлалыг сайжруулна.
• Identity Theft Protection нь зээлийн түүхийг хянах замаар зээлийн залилан, хувийн мэдээллийн хулгайн хохирогч болохоос сэргийлэхэд чиглэдэг.

Identity Theft Protection-оос мэдэгдэл ирлээ. Юу хийх вэ?

Зарим мэдэгдэл бусдаасаа илүү яаралтай бөгөөд өөр өөр арга хэмжээ шаарддаг. Тиймээс ирсэн мэдэгдэл бүрт What Should I Do? (Би юу хийх вэ?) хэсэг байдаг бөгөөд дараагийн алхмыг зөвлөдөг.

Аюулгүй байдлын асуултууд

Гишүүдийнхээ дансыг ямар аргаар хамгаалдаг вэ?

Хоёр шатлалт баталгаажуулалт (2FA) ашигладаг: гишүүн анх нэвтрэхдээ баталгаажуулах код оруулна. Bitdefender энэ кодыг SMS, и-мэйл эсвэл утсаар илгээдэг тул хакерууд таны данс руу нэвтрэхэд хэцүү болно.

Захиалагчдын өгсөн мэдээллийг хэрхэн хамгаалдаг вэ?

Гишүүдийн өгөгдлийг хамгаалах салбарын шилдэг туршлагыг хэрэгжүүлсэн, эрсдэлд суурилсан мэдээллийн аюулгүй байдлын хөтөлбөр ажиллуулдаг:

• Захиргааны болон техникийн хяналт нь PCI DSS v3.2 шаардлага, ISO 27002 аюулгүй байдлын аргачлалд нийцдэг.
• Хувийн эмзэг мэдээллийг 256 битийн түлхүүртэй AES алгоритмаар шифрлэдэг.
• Шифрлэгдсэн бүх хадгалах сан болон тэдгээрийн хуулбарт тусгай мастер түлхүүр үүсгэдэг.

Гишүүнчлэлээ цуцалбал миний мэдээлэлд юу тохиолдох вэ?

Дансаа дахин идэвхжүүлэхэд хялбар болгох үүднээс цуцалсны дараа ч хувийн мэдээлэл системд хадгалагдана. Системээс устгуулах хүсэлт гаргавал мэдээллийг 180 хоногийн дараа өгөгдлийн сангаас устгадаг.

Мэдээллээ хулгайлуулсан бол

Хувийн мэдээлэл эсвэл бичиг баримтаа хулгайлуулсан бол юу хийх вэ?

Identity Theft Protection-ий захиалагч эсэхээс үл хамааран нэн даруй дараах алхмыг хийнэ үү:

1. 1Асуудалтай дансаа түгжүүлэх. Банк, санхүүгийн байгууллагадаа хандаж, гүйлгээг маргаж, дансаа түгжих эсвэл хаахыг хүснэ.
2. 2Мэдээлэл алдагдсан тухай мэдэгдлийг анхааралтай унших. Хэрэв үнэгүй хяналтын үйлчилгээ санал болгосон бол бүртгүүлнэ.
3. 3Банкны карт, дансны хуулгаа шалгах. Идэвхтэй, идэвхгүй, ховор ашигладаг бүх дансаа шалгана. Танихгүй гүйлгээ байвал санхүүгийн байгууллагадаа хандаж, дансаа даруй хаана.
4. 4Цагдаад мэдэгдэх. Албан ёсоор бүртгүүлснээр цаашдын залилангийн нэхэмжлэлээс хамгаалагдаж, асуудлыг идэвхтэй шийдэж байгаагаа нотлох баримттай болно.
5. 5Урьдчилан сэргийлэх арга хэмжээ авах:

- Хүчтэй нууц үг үүсгэж, тогтмол сольж байна.
- Хувийн мэдээлэлтэй бичиг баримтыг хаяхдаа хэрчиж устгана.
- Хаяг, утасны дугаар зэрэг хувийн мэдээлэл, мөн онлайн аюулгүй байдлын асуултад ашигладаг мэдээллээ (жишээ нь эхийн тань овог) сошиал сүлжээнд бүү байршуул.
- Иргэний үнэмлэх зэрэг чухал бичиг баримтаа шаардлагагүй үед түрийвчиндээ бүү авч яв.

Сэргээх үйлчилгээ ашигласны дараа миний мэдээлэл сэргэсэн эсэхийг хэрхэн мэдэх вэ?

Манай баг эхлээд тантай холбогдоно. Та болон сэргээх үйлчилгээний ажилтан хоёулаа асуудал шийдэгдсэн гэж санал нийлэх хүртэл хэргийг хаахгүй. Хаагдсан хэрэг дээр залилан дахин илэрвэл гишүүнчлэл тань идэвхтэй байгаа тохиолдолд хэргийг дахин нээж, сэргээх үйлчилгээг үргэлжлүүлнэ.

Identity Theft Protection миний мэдээллийг хэрхэн хамгаалдаг вэ?

• И-мэйл хаяг, утасны дугаарыг dark web зэрэг байх ёсгүй газар гарсан эсэхийг байнга хянадаг.
• Таны хаяг өөрчлөгдсөн, таны нэр дээр шүүхийн бүртгэл үүссэн эсвэл зээл авсан бол мэдэгдэнэ.
• Нэвтрэх үед томоохон мэдээлэл алдагдлын талаар мэдэгдэнэ.

Өөрийгөө хамгаалах талаар илүү ихийг мэдмээр байна. Юу зөвлөх вэ?

Bitdefender Central дансныхаа Identity Theft Protection самбарын дээд хэсгээс Resources (Эх сурвалж) дээр дарж, хувийн мэдээлэл, нууцлал хамгаалах зөвлөмжүүдтэй танилцана уу.

Данс ба тохиргооны асуултууд

Холбоо барих мэдээллээ хэрхэн шинэчлэх вэ?

Bitdefender Central дансны и-мэйлээ солих талаар энэ нийтлэлээс үзнэ үү. Хийсэн өөрчлөлтөө заавал хадгална.

Нууц үгээ хэрхэн солих вэ?

Нууц үгээ 90 хоног тутам солих зуршилтай байхыг зөвлөж байна:

1. 1Bitdefender Central данс руугаа нэвтэрнэ.
2. 2Баруун дээд буланд байрлах хэрэглэгчийн дүрс дээр дарж Bitdefender Account-ийг сонгоно.
3. 3Password and security (Нууц үг ба аюулгүй байдал) таб руу орж нууц үгээ шинэчилнэ.
4. 4Дуусмагц Change Password (Нууц үг солих) дээр дарна.

Хүчтэй, санахад амар нууц үг үүсгэх зөвлөгөөг энэ блогоос үзнэ үү.

Хоёр шатлалт баталгаажуулалтын (2FA) тохиргоогоо хэрхэн өөрчлөх вэ?

1. 1Bitdefender Central данс руугаа нэвтэрнэ.
2. 2Баруун дээд буланд байрлах хэрэглэгчийн дүрс дээр дарж Bitdefender Account-ийг сонгоно.
3. 3Password and security таб руу орно.
4. 42-Factor Authentication дээр дарж функцийг идэвхжүүлэх, кодыг хүлээн авах арга, утасны дугаараа өөрчилнө.

Төлбөр, захиалгатай холбоотой асуулт байвал?

bitdefender.mn-ээр авсан бүтээгдэхүүний төлбөрийн төлөвийг Гүйлгээний түүх-ээс харна. Буцаалт, солилтын нөхцөлийг Худалдааны нөхцөл-ийн 7-р хэсгээс үзнэ үү. Бусад асуултаа Асуулт асуух-аар илгээнэ үү.