Bitdefender SecurePass-ийг Windows, macOS компьютерийн хөтчид хэрхэн суулгах вэ?

Энэ зааварт Bitdefender SecurePass хөтчийн өргөтгөлийг Windows болон macOS компьютерийн хөтчид хэрхэн суулгаж, тохируулахыг харуулна. Bitdefender SecurePass нь онлайн нууц үгээ нэг дор хадгалж, цэгцлэх олон платформын үйлчилгээ юм.

Суулгах

1. 1Захиалгаа идэвхжүүлнэ. Суулгахаас өмнө SecurePass-ийн лицензийн түлхүүрээ Bitdefender Central (central.bitdefender.com) дээр идэвхжүүлнэ. bitdefender.mn-ээс авсан бол түлхүүр тань Миний лицензүүд хуудсанд байна. Идэвхжүүлэх алхмыг энэ заавраас үзнэ үү.
2. 2Central-аас SecurePass-ийг нээнэ. central.bitdefender.com-д Bitdefender дансаараа нэвтэрч, зүүн талын цэснээс SecurePass сонгоно.
3. 3Хөтчөө сонгоно. Ашиглаж буй хөтчийнхөө дүрс дээр дарна: Microsoft Edge, Google Chrome, Safari эсвэл Mozilla Firefox.
4. 4Өргөтгөлөө нэмнэ. Хөтчийн өргөтгөлийн дэлгүүр нээгдэнэ. Доорх алхмаар Bitdefender SecurePass өргөтгөлийг нэмнэ.

Microsoft Edge

1. 1Get товч дарна.
2. 2Гарч ирсэн цонхонд Add extension дарна.
3. 3Хүсвэл: хаягийн мөрийн хажуугийн тааврын хэлтэрхий (puzzle) дүрс → Bitdefender SecurePass-ийн хажуугийн зүүний (pushpin) дүрс дээр дарж хэрэгслийн мөрөнд тогтооно.

Google Chrome

1. 1Add to Chrome товч дарна.
2. 2Асуухад Add extension дарна.
3. 3Хүсвэл: тааврын хэлтэрхий дүрс → Bitdefender SecurePass-ийн хажуугийн зүүний дүрс дээр дарж хэрэгслийн мөрөнд тогтооно.

Mozilla Firefox

1. 1Add to Firefox товч дарна.
2. 2Баруун дээд буланд Continue to Installation дарна.
3. 3Шаардлагатай зөвшөөрлийн тухай асуухад Add дарна.
4. 4Pin extension to toolbar нүдийг чагталж OK дарна.
5. 5SecurePass хэвийн ажиллахад хэрэгтэй хоёр зөвшөөрлийг асаагаад Agree & Continue дарна:

- Personal Information (хувийн мэдээлэл) — нууц үгээ хадгалж хамгаалахын тулд вэб хуудсанд хандах эрх.
- Anonymous Data (нэргүй өгөгдөл) — хөтчийн мэдээлэл, алдааны тайлан (ажиллагааг сайжруулах, алдаа засахад).

6. 6Хүсвэл: тааврын хэлтэрхий дүрс → Bitdefender SecurePass-ийн хажуугийн араа (cogwheel) → Pin to Toolbar.

Safari (Mac)

1. 1App Store-д Get товч дарна.
2. 2Татаж дуусмагц Open дарна.
3. 3Quit and Open Safari Settings дарна.
4. 4Safari-ийн Extensions хэсэг нээгдэнэ — Bitdefender SecurePass-ийн хажуугийн нүдийг чагталж асаана.
5. 5Always Allow on Every Website товч гарвал дарна.
6. 6Дахин асуухад Always Allow on Every Website-ийг дахин дарна.

Тохируулах

1. 1Нэвтрэх. Хөтчийн хэрэгслийн мөрөн дэх SecurePass-ийн дүрс дээр дарна. Edge, Chrome, Firefox-д дүрс харагдахгүй бол тааврын хэлтэрхий дүрс дээр дараад Extensions цэснээс Bitdefender SecurePass-ийг сонгоно. SecurePass-ийн захиалгатай Bitdefender Central дансаараа нэвтэрнэ.
2. 2Эзэн нууц үг үүсгэх. Хүчтэй, давтагдашгүй master password (эзэн нууц үг) оруулаад Save & Continue дарна. Энэ нууц үг таны нууц үгийн санг (vault) нээж, өгөгдлийг тань шифрлэнэ.
3. 3Сэргээх түлхүүрээ хадгалах. Гарч ирэх recovery key (сэргээх түлхүүр)-ийг хуулж эсвэл PDF-ээр татаж хадгална. Эзэн нууц үгээ мартвал сангаа сэргээхэд хэрэгтэй.
4. 4Сан руугаа орох. Access your Vault дарж тохиргоогоо дуусгана.

Утсандаа суулгах бол: Android, iPhone, iPad. Нийтлэг асуултууд: SecurePass гэж юу вэ?

Асуулт байвал Асуулт асуух-аар бидэнтэй холбогдоно уу.